Австрали, Монгол хоёр улсын хоорондын нягт хамтын ажиллагааны нэг чухал салбар нь боловсрол юм.
Австралийн амбан захирагч болон ноён Беккет нар Австрали, Германы санхүүжилтээр хэрэгжиж буй техникийн болон мэргэжлийн боловсрол, сургалтын төслийн нэг хэсэг болох Налайхын Политехник коллежоор зочилжээ. Тэд сэргээгдэх эрчим хүчний чиглэлээр техникийн боловсрол олгох сургалтад хамрагдаж буй оюутнуудтай уулзаж, тэдний сурч буй хичээл болон ирээдүйн төлөвлөгөөний талаар сонссон байна.
Тус төсөл нь техникийн ур чадвараас гадна Монголын ажиллах хүчийг цэвэр эрчим хүчинд шилжих шилжилтийн үед шаардлагатай ур чадварын хомсдолыг нөхөхөд тусалж байна.
Монгол Улсын уул уурхайн салбар нь дэлхийн хамгийн тэгш хамруулалттай салбаруудын нэг юм. Бүх насны хүмүүст зориулсан сургалтаас гадна залуу эмэгтэйчүүд болон хөгжлийн бэрхшээлтэй хүмүүсийг ажиллах хүчинд ороход нь туслахад онцгой анхаарч байна. Үүний үр дүнд Монголд ур чадвартай, идэвхтэй ажиллах хүч бүрдэж, дэлхий даяар боломж улам бүр нэмэгдэж байна.
Амбан захирагч Австралид мэргэжлийн сургалт олон жилийн түүхтэйг дурдаж, Монголын сэргээгдэх эрчим хүчний ур чадварыг хөгжүүлэхэд мэргэжлийн боловсрол, сургалтын онцгой боломжийг онцолж, Налайхын коллежийн үнэнч, тууштай хамт олонд оюутнууддаа гаргаж буй хичээл зүтгэлд нь талархал илэрхийлэв.
Боловсролын сайд П.Наранбаяр амбан захирагч болон ноён Беккет нарыг хүлээн авч уулзан, Австрали, Монголын түншлэлд боловсрол чухал үүрэгтэйг онцлон хэллээ. Германы Элчин сайдын яамны Хамтын ажиллагааны хэлтсийн дарга Удо Вебер хамтын ажиллагаа, түншлэлийн үнэ цэнийн талаар ярив.
Comments Off on Австралийн Холбооны Улсын Амбан захирагч /төрийн тэргүүн/ Саманта Мости Налайх Политехник коллеж”-оор зочиллоо